Siste feriedagane

Torsdag 1. august reiste vi vidare over Svinesundbrua og tilbake til Norge.

I Råde bur Lisbeth og Hans-Kristian som eg har hatt kontakt med på nettet i mange år og no var sjansen til å helse på dei sidan E6 nesten går i bakhagen deira.

Border Colliane Cass (fremst) og Tuva (bak) var svært fornøgde med dei nye offra til apport-leik. DEt var ein del timar stopp her med kaffe vaffler og hyggeleg prat. No veit vi kor dei bur og kan stikke inn om når dei er heime frå Spania.

Omsider kom vi oss opp til Bodung og parkerte vogna hos Tor-Ivar og Annette. Dei bur på eit nedlagt gardsbruk med eit stort tun så her var det god plass til vogna. 

Denne veka vi var i Romerike besøkte vi "Besta" eit par gonger og den 7. august fyllte ho 77 år og vi møtte mannsterke opp med ostekake, cupcakes, kaffe og brus.

Søskenparet Torunn og Ole.

 Jubilanten.

Ole på Meierigården i Lørenfallet der vi spiste flesk og duppe.

Torsdag den 8.august var det på tide å sette nasa mot vestlandet. Vi reiste frå eit grisevær og kom heim til solgløtt og tørre vegar. Ein liten forlenging av sommaren. 

Vi har hatt ein fin tur i år og er veldig fornøgde begge to.

Stenungsund og Strømstad

Søndag 28.juli kom vi til Tollenäs camping ved Stenungsund. Det var noko skya og bles litt, men etter ei skikkeleg regnbyge lyste det opp og vi gjekk ein fin kveldstur i området rundt campingplassen. 

Fekk med oss ein vakker solnedgong bak Tjørnbroen.

God mat på Tjörnbron Restaurant.

 

Medan Ole var å spela golf slappa eg av ved vogna i god sommarvarme.

Tysdag den 30.juli sette vi nasa mot Strømstad og Seläter Camping der vi er no.

Ole har vore på golfbana medan eg har lese og kosa meg i sola

I kveld har vi vore på Nordbysenteret og snopa litt. No slapper vi av og er klar for å reise til Norge att i morgon. Vonar at været fremdeles er med oss. Vert nokre dagar austom fjella før vi reiser hem.

Vinberg golfklubb og Ullared

Sidan det ikkje var ledige plassar med straum på Ullared bestemte vi oss for å reise vidare for å finne ein anna campingplass. Og det fann vi. På Vinberg golfklubb nesten ved Falkenberg er det mogleg å campe for dei som spelar golf. Ein liten, triveleg plass der vi betalte 100 svenske kroner døgnet (ca.92 nkr) med straum og dusj. Vi stillte oss opp like ved det 18. holet og stod der i to døgn frå fredag til i dag, søndag. Roleg og fin plass.

Greit å vite kor ein skal gå.

Synst desse  tee-merkene var flotte.

Ein godt fornøgd golfar...

og ei vel fornøgd golf-enke.

Eine føremiddagen var vi på Ullared og fekk med oss shoppinglivet på Gekås, kjend frå TVNorge. 

Såg diverre ikkje noko til dei kjende frontfigurane i tv-serien, men opplevde stemninga og mangfaldet.

Vi er kan hende ikkje dei som har lagt att mest pengar. Det vart ikkje meir enn at Ole tok det i eit løft frå handlevogn til bil.

Så var det ein runde på bana før kvelden og avreise dagen etterpå.

Tur til Kristinehamn

I dag har vi vore eit ærend i Kristinehamn som er ein liten by ved Väneren. 

Etter tips frå Tone og Johan tok vi oss ein tur ut til skjærgården til Strandudden og 

Picassoskulpturen der. Veldig fin rekreasjonstad og ein skulle hatt med seg badedrakta, ja. 

På campingtur

Då var dagen kommen at Ole starta på ferien og vi kunne reise avgarde med vogna. Etter ein heller kald sommar og regnfyllte dagar var reisefeberen høg og jakta på dei varme gradene starta den 19.juli kl.17.00.

Vegen gjekk over Sognefjorden og Filefjell og målet var Aurdal Fjordcamp i Valdres. Her er vi no eg vi koser oss i varmen. Det er sommar.

Svenske saker

Dette må vere det ein kan kalle "Glitrande Golf".

"Gurkasalaten" er grønn...som ein agurk.

Dei marinerte nakkekotelettane var beinfri.

Myggljuset var slett ikkje vanskelig og få tak i. Om det verka? Tja, kan jo hende det hadde vore fleire mygg visst vi ikkje hadde det.

Djupadalsbadet

Vi har det fint i Kumla, sør for Ørebro. over 30 grader i skuggen no i helga. Ein liten bris gjer det leveleg og vi har det fint. Ole er på golfbana om dagane og så har vi kveldane der vi går turer og kikker litt rundt.