Fottur i skiløypa

I det nydelege været som var i dag fekk eg lyst å komme meg opp i Gjesdalen. Jølster løypelag har køyrt opp løyper til skifolka og deler av den går fint an å gå til fots i så lenge sola ikkje står for hardt på. 

Eg køyrde opp til Jølster skisenter og parkerte i Holtane der eg gjekk innover løypa. Det var heilt perfekt å gå med broddar, men då eg tok av mot Gjesdalsstøylen var det ikkje fullt så hardtrakka, men det gjekk fint sidan det ikkje braut heilt gjennom. 

Eg gjekk inn slik at eg såg over mot støylen og fann då ut at det var dumt at trugene hang att på trappa heime og difor snudde eg. Neste gong skal dei vere med.

Skisenteret

Hjellbrekka og Fluge.

Vassenden og Jølstravatnet

Skiløypa innover Gjesdalsdalen.

Mot Gjesdalsstøylen

Gjesdalsstøylen

Inn mot Systestøylane.

"Kom deg ut"-dagen

Det er visst den store "kom deg ut"-dagen i dag og då var det berre å kle på seg å komme seg ut og opp. 

Turen gjekk opp skogsvegen der det er snø som rekker meg litt over anklane, men den var lett og fin og gå i. 

Gjekk litt igjennom skaren og det blei til at det vart ein treningstur sidan det vart litt tungt å gå. Men du verda for ein fin tur det var. På skosvegen såg eg berre spor etter hare, rev og hjort og eg var den einaste som har gått der etter snøfalla dei siste dagane. Det var så stillt og fint. Overskya, grått og små snøfnugg i lufta og det var ein leveleg temperatur.

Når eg kom opp til støylen var det full aktivitet i bakken og eg var ikkje lenger aleine om å komme meg ut.

Gjekk neatt Bjørkelia og heimatt langs fiskestien og forbi Kvamsbua der eg møtte på desse som kosa seg i Jølstra.